ယူအေအီးနိုင်ငံသို့ ပစ်ခတ်တိုက်ခိုက်မှုများကို ကြားဖြတ်ဟန့်တားနိုင်ခဲ့သော်လည်း ထိခိုက်ဒဏ်ရာရသူပေါင်း ၆၈ ဦးအထိ တိုးလာ

အရှေ့အလယ်ပိုင်းတွင် အခြေအနေများ ပိုမိုဆိုးရွားလာပြီးနောက် အီရန်နိုင်ငံဘက်မှ ယူအေအီး (UAE) နိုင်ငံသို့ ပစ်ခတ်ခဲ့သည့် ဒုံးကျည်များနှင့် ဒရုန်းများကို လေကြောင်းရန်ကာကွယ်ရေးစနစ်ဖြင့် အောင်မြင်စွာ ကြားဖြတ်ဟန့်တားနိုင်ခဲ့သော်လည်း၊ ပေါက်ကွဲမှုဖြစ်စဉ်များနှင့် ပျက်စီးကျဆင်းလာသည့် အပိုင်းအစများကြောင့် ထိခိုက်ဒဏ်ရာရရှိသူ စုစုပေါင်းမှာ ၆၈ ဦးအထိ တိုးမြင့်လာကြောင်း တနင်္လာနေ့ (မတ်လ ၂ ရက်၊ ၂၀၂၆) တွင် ယူအေအီး ကာကွယ်ရေးဝန်ကြီးဌာနက ထုတ်ပြန်ခဲ့ပါသည်။ စနေနေ့မှစတင်၍ အီရန်နိုင်ငံဘက်မှ ပစ်လွှတ်လိုက်သည့် ပဲ့ထိန်းဒုံးကျည် ၁၇၄ စင်း၊ ခရုစ်ဒုံးကျည် ၈ စင်းနှင့် ဒရုန်း ၆၈၉ စင်းတို့အနက် အများစုကို ကြားဖြတ်ဖျက်ဆီးနိုင်ခဲ့သော်လည်း အချို့မှာ ပင်လယ်အတွင်းနှင့် မြေပြင်ပေါ်သို့ ကျရောက်ခဲ့ကာ ပါကစ္စတန်၊ နီပေါနှင့် ဘင်္ဂလားဒေ့ရှ် နိုင်ငံသား ၃ ဦး သေဆုံးခဲ့ရပြီး၊ ဒဏ်ရာရရှိသူ ၆၈ ဦးစလုံးမှာ စိုးရိမ်ရသည့် အခြေအနေမရှိဘဲ အနည်းငယ်သာ ထိခိုက်ခြင်းဖြစ်ကြောင်း၊ ယူအေအီးအစိုးရအနေဖြင့် ယခုတိုက်ခိုက်မှုကို အချုပ်အခြာအာဏာ ချိုးဖောက်မှုအဖြစ် ပြင်းထန်စွာ ရှုတ်ချပြီး နိုင်ငံသားများနှင့် နေထိုင်သူများ၏ ဘေးကင်းရေးကို အမြင့်ဆုံး အကာအကွယ်ပေးထားကြောင်း သိရသည်။