ဂိမ်း ၄ ရက်ဆက်တိုက် မအိပ်ဘဲဆော့သည့် ထိုင်ဝမ်တက္ကသိုလ်ကျောင်းသား လူငယ်တစ်ဦး ဦးနှောက်သွေးကြောပေါက်၍ ကွယ်လွန်

ထိုင်ဝမ်နိုင်ငံရှိ တက္ကသိုလ်ကျောင်းသားလူငယ်တစ်ဦးသည် ကျောင်းပိတ်ရက်အတွင်း အွန်လိုင်းဂိမ်းကို ၄ ရက်နှင့် ၃ ညတိုင်တိုင် အိပ်စက်ခြင်းမရှိဘဲ ဆက်တိုက်ကစားခဲ့ရာမှ ဦးနှောက်သွေးကြောပေါက်ကာ ကွယ်လွန်သွားခဲ့သည့် ဝမ်းနည်းဖွယ်ဖြစ်ရပ်တစ်ခု ဖြစ်ပွားခဲ့သည်။ Mothership သတင်းဌာန၏ ဖော်ပြချက်အရ အဆိုပါလူငယ်သည် ဂိမ်းဆော့နေစဉ် သတိလစ်လဲကျသွားခဲ့ပြီး ဆေးရုံသို့ ပို့ဆောင်ကာ ခွဲစိတ်ကုသမှုများ ပြုလုပ်ခဲ့သော်လည်း အခြေအနေ ဆိုးရွားလွန်းသဖြင့် အသက်ရှူစက်အကူအညီဖြင့်သာ နေထိုင်ခဲ့ရသည်။ နောက်ဆုံးတွင် မိသားစုဝင်များက ဝေဒနာများ ဆက်လက်မခံစားရစေရန် အသက်ရှူစက်ဖြုတ်ရန် ဆုံးဖြတ်ခဲ့ကြပြီး ကျန်းမာရေးပညာရှင်များကလည်း အိပ်ရေးပျက်ခြင်းနှင့် အလုပ်အလွန်အကျွံလုပ်ခြင်းတို့သည် ဦးနှောက်သွေးကြောများကို တိတ်တဆိတ် ထိခိုက်စေနိုင်ကြောင်း အထူးသတိပေးထားသည်။