ရည်မှန်းချက်အားလုံး အောင်မြင်သည်အထိ ဆက်တိုက်မည်--ထရမ့်ပ်

အမေရိကန်သမ္မတ ဒေါ်နယ်ထရမ့်ပ်က အီရန်ရှိ စစ်ဆင်ရေး "အက်ပစ်ဖျူရီ" (Epic Fury) ကို ဝါရှင်တန်၏ ရည်မှန်းချက်များ အားလုံးအောင်မြင်သည်အထိ အင်ပြည့်အားပြည့် ဆက်လက်လုပ်ဆောင်သွားမည်ဖြစ်ကြောင်း တနင်္ဂနွေနေ့တွင် သတိပေးပြောကြားလိုက်သည်။ ထရမ့်ပ်က ၎င်း၏ Truth Social မီဒီယာမှတစ်ဆင့် အီရန်စစ်ပွဲအတွင်း အမေရိကန်တပ်ဖွဲ့ဝင် သုံးဦး သေဆုံးခဲ့မှုအတွက် လက်စားချေသွားမည်ဟု ကတိပြုခဲ့ပြီး၊ လက်ရှိတွင် အီရန်တော်လှန်ရေးအစောင့်တပ် အဆောက်အအုံများ၊ လေကြောင်းကာကွယ်ရေးစနစ်များနှင့် ရေတပ်ပစ်မှတ် ရာပေါင်းများစွာကို ဖျက်ဆီးနိုင်ခဲ့ကြောင်း ပြောဆိုခဲ့သည်။ အီရန်အနေဖြင့် နျူကလီးယားလက်နက် ကိုင်ဆောင်ထားသည့် အစွန်းရောက်အစိုးရတစ်ရပ်အဖြစ် အမေရိကန်ကို ခြိမ်းခြောက်နေမှုကို ဆက်လက်ခွင့်ပြုမည်မဟုတ်ဘဲ ဤစစ်ရေးအရ အရေးယူမှုများသည် မှန်ကန်သည့် လုပ်ရပ်ဖြစ်ကြောင်း ၎င်းက အခိုင်အမာ ပြောကြားခဲ့သည်။