အရှေ့အလယ်ပိုင်းဒေသတွင် စစ်ရေးတင်းမာမှုများကြောင့် ကမ္ဘာ့စက်သုံးဆီစျေးကွက် မရေရာမှုများ ဖြစ်ပေါ်နေချိန်တွင် ထိုင်းစွမ်းအင်ဝန်ကြီးဌာနက ၎င်းတို့၏ စက်သုံးဆီတင်ပို့မှု ကန့်သတ်ချက်များအတွင်း လာအိုနိုင်ငံကို ကင်းလွတ်ခွင့်ပေးထားကြောင်း တနင်္လာနေ့ (မတ်လ ၂ ရက်၊ ၂၀၂၆) တွင် အတည်ပြုရှင်းလင်းခဲ့ပါသည်။ ထိုင်းနိုင်ငံသည် ပြည်တွင်းစက်သုံးဆီ ဖူလုံမှုအတွက် အိမ်နီးချင်းနိုင်ငံအချို့သို့ တင်ပို့မှုကို ယာယီရပ်ဆိုင်းထားသော်လည်း လာအိုနိုင်ငံမှာ ထိုင်းနိုင်ငံမှ တင်သွင်းမှုအပေါ် လုံးဝနီးပါး မှီခိုနေရသည့်အတွက် လူသားချင်းစာနာမှုနှင့် နှစ်နိုင်ငံစီးပွားရေး အပြန်အလှန် အထောက်အကူပြုစေရန် ယခုကဲ့သို့ ကင်းလွတ်ခွင့်ပြုခဲ့ခြင်းဖြစ်ကာ၊ လာအိုသို့ ပုံမှန်အတိုင်း ဆက်လက်တင်ပို့သွားမည်ဖြစ်ကြောင်းနှင့် အခြေအနေအရ လိုအပ်ပါက ထပ်မံညှိနှိုင်းဆောင်ရွက်သွားမည်ဖြစ်ကြောင်း သိရသည်။
