ဘာစီလိုနာတိုက်စစ်ကစားသမား ယမားလ်ဟာ ဗီလာရီးယဲလ်နဲ့ပွဲမှာ ကစားသမားဘ၀ ပထမဆုံးဟက်ထရစ် သွင်းယူခဲ့ပြီး ၂၁ ရာစုအတွင်း လာလီဂါအသက်ငယ်ဆုံးဟက်ထရစ်ရှင်အဖြစ် မှတ်တမ်းဝင်ခဲ့ပါတယ်။ယမားလ်ဟာ ၁၈ နှစ် ၂၃၀ ရက်သာ ရှိသေးပြီး ဗီလာရီးယဲလ်ဘက်ကို ပထမပိုင်းမှာ နှစ်ဂိုး၊ ဒုတိယပိုင်းမှာ တစ်ဂိုးသွင်းကာ ဟက်ထရစ်ရရှိခဲ့ပါတယ်။ယမားလ်မတိုင်ခင် ဘာစီလိုနာကစားသမားဖြစ်ခဲ့တဲ့ ဂျီယိုဗန်နီဒေါ့ဆန်းတို့စ်က ၂၀၀၈ ခုနှစ်မှာ ၁၉ နှစ် ၆ ရက်နဲ့ မှတ်တမ်းတင်ခဲ့တာဖြစ်တယ်။၎င်းအနေနဲ့ လာလီဂါသမိုင်းမှာ ပဉ္စမမြောက် အသက်ငယ်ဆုံးဟက်ထရစ်ရှင် ဖြစ်လာပြီး ထိပ်ဆုံးလေးဦးကတော့ ၁၉၃၀ ကျော်ကာလတွေက သွင်းယူခဲ့တာပါ။ဒါ့အပြင် ၁၉၆၇ ခုနှစ်ကတည်းက လာလီဂါမှာ ပထမဆုံး ၁၈ နှစ်သား ဟက်ထရစ်ရှင်လည်း ဖြစ်လာခဲ့တယ်။ယမားလ်ဟာ အခုရာသီ ပြိုင်ပွဲစုံ ၃၄ ပွဲကစား ၁၈ ဂိုးသွင်းကာ ပြီးခဲ့တဲ့ရာသီ သွင်းဂိုးအရေအတွက်နဲ့ တူညီခဲ့ပြီး ၂၁ ပွဲ လျော့နည်းခဲ့ပါတယ်။
