ယူအေအီးနိုင်ငံ၊ စီးပွားရေးဝန်ကြီးဌာနသည် နိုင်ငံအတွင်းရှိ အခြေခံစားသောက်ကုန်နှင့် လူသုံးကုန်ပစ္စည်းများ၏ အရန်ရိက္ခာမှာ ရေရှည်အတွက် လုံလောက်သော ပမာဏရှိကြောင်းနှင့် ထောက်ပံ့ရေးကွင်းဆက်များမှာလည်း ပုံမှန်အတိုင်း လည်ပတ်နေကြောင်း စနေနေ့ (ဖေဖော်ဝါရီ ၂၈၊ ၂၀၂၆) တွင် ထုတ်ပြန်ကာ ပြည်သူများအနေဖြင့် စိုးရိမ်တကြီးဖြင့် ပစ္စည်းများ အလွန်အကျွံ ဝယ်ယူစုဆောင်းခြင်း (Stockpiling) မပြုလုပ်ရန် တိုက်တွန်းခဲ့ပါသည်။ အစိုးရအနေဖြင့် စျေးကွက်အတွင်း ကုန်ပစ္စည်းပြတ်လပ်မှုမရှိစေရန်နှင့် စျေးနှုန်းများ အဆမတန် မြင့်တက်မလာစေရန် အနီးကပ် စောင့်ကြည့်စစ်ဆေးလျက်ရှိကြောင်း၊ ကုန်သည်များနှင့် လက်လီအရောင်းဆိုင်များအနေဖြင့်လည်း စျေးတင်ရောင်းခြင်း သို့မဟုတ် ပစ္စည်းသိုလှောင်ခြင်းများ ပြုလုပ်ပါက ပြင်းထန်စွာ အရေးယူမည်ဖြစ်ကြောင်း သတိပေးထားပြီး၊ နိုင်ငံ၏ စားနပ်ရိက္ခာဖူလုံမှုစနစ်မှာ မည်သည့်အခြေအနေကိုမဆို ရင်ဆိုင်နိုင်ရန် အသင့်ရှိကြောင်း အာမခံပြောကြားခဲ့သည်။
