အမေရိကန်နဲ့ အစ္စရေးတို့က အီရန်ကို စတင်တိုက်ခိုက်လိုက်တဲ့ သတင်းတွေထွက်ပေါ်လာပြီးနောက်၊ အရှေ့အလယ်ပိုင်းဒေသရဲ့ တင်းမာနေတဲ့ စစ်ရေးအခြေအနေကြောင့် စင်ကာပူလေကြောင်းလိုင်း (SIA) နဲ့ Scoot တို့ဟာ ယနေ့ ဖေဖော်ဝါရီ ၂၈ ရက်မှာ ခရီးစဉ်အချို့ကို အရေးပေါ် ဖျက်သိမ်းလိုက်ပြီဖြစ်ပါတယ်။
ဖျက်သိမ်းလိုက်သည့် ခရီးစဉ်များ
* SIA လေကြောင်းလိုင်း:
* SQ494 (Singapore-Dubai) နှင့် SQ495 (Dubai-Singapore) - (ဖေဖော်ဝါရီ ၂၈ နှင့် မတ်လ ၁ ရက် ခရီးစဉ်များ)
* Scoot လေကြောင်းလိုင်း:
* TR596 (Singapore-Jeddah) နှင့် TR597 (Jeddah-Singapore) - (ဖေဖော်ဝါရီ ၂၈ ရက် ခရီးစဉ်များ)
ကမ္ဘာတစ်ဝန်း လေကြောင်းလိုင်းများ ရပ်နားမှု -
လက်ရှိမှာ အီရန်၊ အီရတ်၊ အစ္စရေး၊ ဆီးရီးယား၊ ကူဝိတ်နဲ့ ယူအေအီး (UAE) နိုင်ငံတွေဟာ သူတို့ရဲ့ လေပိုင်နက်တွေကို အစိတ်အပိုင်းလိုက် ပိတ်ထားပြီဖြစ်ပါတယ်။
Air France, Air India, Lufthansa နဲ့ တခြား နာမည်ကြီး လေကြောင်းလိုင်း အများအပြားကလည်း ခရီးစဉ်တွေကို အမြောက်အမြား ဖျက်သိမ်းနေကြပါတယ်။
ခရီးသည်များ သတိပြုရန် -
SIA အနေနဲ့ အခြေအနေကို အနီးကပ် စောင့်ကြည့်နေပြီး လိုအပ်သလို လမ်းကြောင်းတွေ ပြောင်းလဲသွားမှာ ဖြစ်ပါတယ်။ ခရီးသည်များအနေနဲ့ -
* SIA သို့မဟုတ် Scoot Website ရှိ Manage Booking မှာ ကိုယ့်ရဲ့ ဖုန်းနံပါတ်နဲ့ Email တို့ကို Update လုပ်ထားပါ။
* လေကြောင်းလိုင်းရဲ့ Mobile Notification တွေကို Subscribe လုပ်ထားပြီး နောက်ဆုံးရသတင်းတွေကို စောင့်ကြည့်ပါ။
