အစ္စရေးနိုင်ငံက အီရန်နိုင်ငံကို ဒီနေ့မှာပဲ စတင်တိုက်ခိုက်လိုက်ပြီး တစ်နိုင်ငံလုံး အရေးပေါ်အခြေအနေ ကြေညာလိုက်ပါတယ်။ ဒီနေ့ ဖေဖော်ဝါရီလ ၂၈ ရက်နေ့ နံနက်ပိုင်း အစ္စရေးကာကွယ်ရေးဝန်ကြီးဌာနရဲ့ ထုတ်ပြန်ချက်အရ အစ္စရေးစစ်တပ်ဟာ အီရန်နိုင်ငံအတွင်းရှိ ပစ်မှတ်တွေကို စတင်တိုက်ခိုက်နေပြီ ဖြစ်တယ်လို့ သိရပါတယ်။ ဒီတိုက်ခိုက်မှုဟာ အီရန်ဘက်က ရန်စလာမယ့်အန္တရာယ်ကို ကြိုတင်ကာကွယ်တဲ့အနေနဲ့ လုပ်ဆောင်တာဖြစ်တယ်လို့ အစ္စရေးဘက်က ဆိုပါတယ်။အစ္စရေးက တစ်နိုင်ငံလုံးအရေးပေါ်အခြေအနေ ကြေညာတာကတော့ အီရန်ဘက်ကနေ ဒရုန်းတွေ၊ ဘလက်စတစ်ဒုံးကျည်တွေနဲ့ လက်တုံ့ပြန်တိုက်ခိုက်လာနိုင်ခြေရှိတာကြောင့် အစ္စရေးအစိုးရက တစ်နိုင်ငံလုံးအတိုင်းအတာနဲ့ အရေးပေါ်အခြေအနေ (State of Emergency) ကို ချက်ချင်းကြေညာလိုက်တာပါ။ အစ္စရေး ကာကွယ်ရေးဝန်ကြီး အစ္စရေးကတ်ဇ်က အခုတိုက်ခိုက်မှုဟာ အစ္စ ရေး နိုင်ငံရဲ့ လုံခြုံရေးအတွက် မဖြစ်မနေလုပ်ဆောင်ရတဲ့ ခြေလှမ်းဖြစ်တယ်လို့ အတည်ပြုထားပါတယ်။
အစ္စရေးစစ်တပ်က ဒီနေ့ စနေနေ့မနက်ပိုင်းမှာ အီရန်နိုင်ငံအပေါ် "ကြိုတင်ကာကွယ်တဲ့ တိုက်ခိုက်မှု" (Preemptive strike) အဖြစ် တိုက်ခိုက်တာဖြစ်တယ်လို့ အစ္စရေးကာကွယ်ရေးဝန်ကြီး အစ္စရေးကတ်ဇ်က ပြောကြားပါတယ်။ အီရန်ကို တိုက်ရတဲ့ အဓိကအကြောင်းရင်းကတော့ အီရန်ဘက်ကနေ ဒရုန်းတွေ၊ ဘလက်စတစ်ဒုံးကျည်တွေနဲ့ ချက်ချင်းလက်တုံ့ပြန် တိုက်ခိုက်လာနိုင်တယ်လို့ မျှော်လင့်ရတဲ့အတွက်ကြောင့် ဖြစ်တယ်လို့လည်း သူက ဆိုပါတယ်။
