အမေရိကန်ဒေါ်လာ ၃ သန်းနီးပါး ဗဟိုဘဏ် ရောင်းပေးခဲ့

CMP ကုမ္ပဏီတွေဆီက ဝယ်ယူထားတဲ့ နိုင်ငံခြားငွေတွေထဲက အမေရိကန်ဒေါ်လာ ၁.၉၅၆ သန်းကို မြန်မာနိုင်ငံတော်ဗဟိုဘဏ်က ဖေဖော်ဝါရီလ ၂၇ ရက်နေ့မှာ စားသုံးဆီတင်သွင်းတဲ့ ကုမ္ပဏီတွေထံ ထုတ်ရောင်းပေးခဲ့ပါတယ်။ စက်သုံးဆီတင်သွင်းတဲ့ ကုမ္ပဏီတွေကိုလည်း အမေရိကန်ဒေါ်လာ ၁ သန်း ရောင်းပေးခဲ့ပါတယ်။FX Trading မှာ စားသုံးဆီမှ (၁၄%)၊ စက်သုံးဆီမှ (၄၀%)၊ ဆေးဝါးနှင့် ဆေးဝါးကုန်ကြမ်းပစ္စည်းမှ (၂%)၊ ဆောက်လုပ်ရေးပစ္စည်းများမှ (၃%)၊ ဓာတ်မြေဩဇာမှ (၄%)၊ ကား/ဆိုင်ကယ်အပိုပစ္စည်းမှ (၅%)၊ ဆက်သွယ်ရေးလုပ်ငန်းသုံးပစ္စည်းများမှ (၂%)၊ ကတ္တရာမှ (၃%)၊ စိုက်ပျိုးရေးလုပ်ငန်းသုံးပစ္စည်းများမှ (၂%)၊ ထုတ်ပိုးပစ္စည်းများမှ (၂%)၊ စက်မှုကုန်ကြမ်းမှ (၂%)၊ စားသုံးကုန်စည်များမှ (၂%)၊ အခြားကုန်စည်များနှင့် Non Trade Transation များမှ (၁၉%) အသီးသီး နိုင်ငံခြားငွေ ဝယ်ယူရရှိခဲ့ပါတယ်။ဗဟိုဘဏ်အနေနဲ့ ဖေဖော်ဝါရီလ ၂၇ ရက်နေ့၊ FX Trading Platform မှာတော့ အမေရိကန်ဒေါ်လာငွေလဲနှုန်းကို ၃,၆၅၆ ကျပ် သတ်မှတ်ရောင်းဝယ်ခဲ့ပါတယ်။