မြန်မာ့စီးပွားရေးဘဏ်၌ ပင်စင်လစာထုတ်ယူသူ အငြိမ်းစားဦးရေ ခုနှစ်သိန်းကိုးသောင်းကျော်ရှိ

မြန်မာ့စီးပွားရေးဘဏ်တွင် ပင်စင်လစာထုတ်ယူနေသည့် အငြိမ်းစားဦးရေ စုစုပေါင်း ၇၉၀,၀၀၀ ကျော်ရှိပြီး၊ အဆိုပါအရေအတွက်အနက် ၇၁၀,၀၀၀ ဝန်းကျင်သည် ၂၀၂၃ ခုနှစ်၊ စက်တင်ဘာလမှ စတင်အသုံးပြုခဲ့သည့် Centralized e-Pension စနစ်ဖြင့် လစာထုတ်ယူလျက်ရှိကြောင်း နိုင်ငံပိုင်သတင်းဌာနမှ သိရသည်။ အဆိုပါ e-Pension စနစ်အရ e-pension ကတ်ကိုင်ဆောင်ထားသူများသည် Centralized စနစ်ကျင့်သုံးနေသည့် မြန်မာ့စီးပွားရေးဘဏ်ခွဲပေါင်း ၁၈၅ ခုတွင် မည်သည့်ဘဏ်ခွဲ၌မဆို အဆင်ပြေချောမွေ့စွာ ပင်စင်လစာ ထုတ်ယူနိုင်ပြီဖြစ်သည်။