တောင်သူလယ်သမားနေ့ကို ကြိုဆိုဂုဏ်ပြုသောအားဖြင့် လှိုင်သာယာမြို့နယ်၌ ဟင်းသီးဟင်းရွက်နှင့် သစ်သီးဝလံပြိုင်ပွဲ ကျင်းပမည်

(၆၄) ကြိမ်မြောက် တောင်သူလယ်သမားနေ့ကို ကြိုဆိုဂုဏ်ပြုရန်နှင့် လယ်ယာကဏ္ဍ ဖွံ့ဖြိုးတိုးတက်စေရန် ရည်ရွယ်၍ ရန်ကုန်တိုင်းဒေသကြီး၊ လှိုင်သာယာမြို့နယ်ရှိ ဘုရင့်နောင်ပန်းခြံ၌ ဟင်းသီးဟင်းရွက်နှင့် သစ်သီးဝလံပြပွဲပြိုင်ပွဲကို ဖေဖော်ဝါရီ ၂၈ ရက်မှ မတ်လ ၂ ရက်အထိ ၃ ရက်ကြာ ကျင်းပသွားမည်ဖြစ်သည်။ အဆိုပါပြိုင်ပွဲတွင် ဟင်းသီးဟင်းရွက် ၂၅ မျိုးနှင့် သစ်သီးဝလံ ၂၄ မျိုး၊ စုစုပေါင်း ၄၉ မျိုးအား အမျိုးအစားအလိုက် ဝင်ရောက်ယှဉ်ပြိုင်ရန် သတ်မှတ်ထားပြီး သန့်ရှင်းလတ်ဆတ်မှု၊ အရွယ်အစားညီညာမှုနှင့် ပိုးမွှားကင်းစင်မှု အပါအဝင် အမှတ်ပေးစံနှုန်း ၆ ချက်ဖြင့် စုစုပေါင်း အမှတ် ၁၀၀ ပေးကာ အကဲဖြတ်သွားမည်ဖြစ်ကြောင်း မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့သူများအသင်းမှ သိရသည်။