ထိုင်းနိုင်ငံသို့ သွားရောက်ရာတွင် သိမ်းဆည်းခံရခြင်းနှင့် ထောင်ဒဏ်၊ ငွေဒဏ်များ ကျခံရနိုင်သည့် သယ်ဆောင်ခွင့်မရှိသော ပစ္စည်း (၁၀) မျိုးကို အသိပေး

ထိုင်းနိုင်ငံသို့ လာရောက်လည်ပတ်မည့် ခရီးသွားများအနေဖြင့် မိမိတို့နိုင်ငံတွင် တရားဝင်သော်လည်း ထိုင်းနိုင်ငံလေဆိပ်အဝင်တွင် လုံးဝသယ်ဆောင်လာခွင့်မရှိသည့် ပစ္စည်း (၁၀) မျိုးကို သတိပြုရန် လိုအပ်နေကြောင်း သိရသည်။ အဆိုပါ တားမြစ်ပစ္စည်းများတွင် မူးယစ်ဆေးဝါး၊ အီးစီးကရက် (Vape)၊ လက်နက်ခဲယမ်းများ၊ လတ်ဆတ်သော သစ်သီးဝလံနှင့် ဟင်းသီးဟင်းရွက်များ၊ ခွင့်ပြုချက်မပါသော အသားနှင့် တိရစ္ဆာန်ထွက်ပစ္စည်းများ၊ ထိန်းချုပ်ဆေးဝါးများ၊ ကိုယ်ခံပညာသုံးလက်နက်များ၊ မျိုးသုဉ်းလုနီးပါး တိရစ္ဆာန်ထွက်ပစ္စည်းများ၊ စကားပြောစက်များနှင့် မှတ်ပုံတင်ထားခြင်းမရှိသော ဒရုန်းများ ပါဝင်သည်။ အဆိုပါစည်းကမ်းများကို ဖောက်ဖျက်ပါက ပစ္စည်းသိမ်းဆည်းခံရရုံသာမက ပြင်းထန်သော ငွေဒဏ်များ၊ ဆယ်စုနှစ်နှင့်ချီသော ထောင်ဒဏ်များနှင့် ပြည်နှင်ဒဏ်များအထိ ပြစ်ဒဏ်ကျခံရနိုင်ကြောင်း သိရသည်။