ဂျပန်နိုင်ငံတွင် ဗုဒ္ဓတရားတော်များဖြင့် အကြံပေးဆွေးနွေးနိုင်သည့် "Buddharoid" AI စက်ရုပ်ဘုန်းတော်ကြီးကို မိတ်ဆက်

ဂျပန်နိုင်ငံ၊ ကျိုတိုတက္ကသိုလ်သည် ကျိုတိုခရိုင်ရှိ ရှိုရင်အင်းဘုရားကျောင်း၌ AI နည်းပညာသုံး "Buddharoid" အမည်ရ စက်ရုပ်ဘုန်းတော်ကြီးကို မိတ်ဆက်လိုက်ရာ အဆိုပါစက်ရုပ်သည် OpenAI ၏ ChatGPT ကို အခြေခံထားသည့် "BuddhaBot-Plus" စနစ်ဖြင့် ဗုဒ္ဓစာပေများကို လေ့လာသင်ယူထားပြီး လူမှုရေးနှင့် ပုဂ္ဂိုလ်ရေးဆိုင်ရာ မေးမြန်းမှုများကို တရားတော်နှင့်အညီ အကြံပေးဖြေကြားပေးနိုင်ကြောင်း သိရသည်။ Unitree Robotics ၏ နည်းပညာကို အသုံးပြုထားသဖြင့် လမ်းလျှောက်ခြင်း၊ လက်အုပ်ချီခြင်းနှင့် ပရိတ်ရွတ်ခြင်းတို့ကို တည်ငြိမ်စွာ လုပ်ဆောင်နိုင်သော ဤစက်ရုပ်ကို တီထွင်ရခြင်းမှာ ၂၀၄၀ ပြည့်နှစ်တွင် ဂျပန်ရှိ ဘုရားကျောင်း ၃၀ ရာခိုင်နှုန်းခန့် ပျောက်ကွယ်သွားနိုင်သည့် အန္တရာယ်ကို ဖြေရှင်းရန်ဖြစ်ပြီး၊ ဖုန်းစခရင်များထက် လူသားတို့၏ စိတ်ပိုင်းဆိုင်ရာကို ပိုမိုအပြုသဘောဆောင်သည့် အကျိုးသက်ရောက်မှု ပေးနိုင်ရန် ရည်ရွယ်ခြင်းဖြစ်ကြောင်း ပါမောက္ခ ခူးမားဂါအီက ရှင်းလင်းပြောကြားခဲ့သည်။