ထိုင်းတွင် မုန်တိုင်းကြောင့် ကျောင်းအမိုးများ လွင့်စင်ပြီး အိမ်ခြေ ၅၀ ထက်မနည်း ပျက်စီး

ထိုင်းနိုင်ငံ၊ ဘူရီရမ်ခရိုင်၊ ဖလပ်ဖလာချိုင်မြို့နယ်တွင် ဖေဖော်ဝါရီလ ၂၆ ရက် ညပိုင်းက ပြင်းထန်သော နွေမုန်တိုင်း ဝင်ရောက်တိုက်ခတ်ခဲ့သဖြင့် ဝပ်ဖလပ်ဖလာကျောင်းရှိ အဆောက်အအုံအချို့နှင့် အနီးအနားကျေးရွာ ၃ ရွာမှ နေအိမ် ၅၀ ထက်မနည်း ပျက်စီးဆုံးရှုံးခဲ့ကြောင်း သိရသည်။ နာရီဝက်ခန့် ကြာမြင့်ခဲ့သည့် အဆိုပါမုန်တိုင်းကြောင့် မိုးသက်လေပြင်းတိုက်ခတ်ခြင်းနှင့် မိုးသီးကြွေခြင်းများ ဖြစ်ပေါ်ခဲ့ကာ ကျောင်းရှိ ကားဂိုဒေါင်အမိုးများပင် လွင့်စင်သွားခဲ့ပြီး၊ မြို့တော်ဝန် Mr. Boonchuey Silalai က ပျက်စီးမှုများကို ယနေ့နံနက်တွင် ဆက်လက်စစ်ဆေးကာ လိုအပ်သည့် ကူညီထောက်ပံ့မှုများ ပေးအပ်နိုင်ရန် သက်ဆိုင်ရာဌာနများသို့ အစီရင်ခံ တင်ပြသွားမည်ဖြစ်ကြောင်း ပြောကြားခဲ့သည်။