အမေရိကန်စစ်တပ်၏ ပိုလျှံနေသော ကာကွယ်ရေးပစ္စည်းများ လွှဲပြောင်းပေးသည့် အစီအစဉ် (Excess Defense Articles - EDA) အရ ထိုင်းစစ်တပ်က Stryker ဘီးတပ်သံချပ်ကာယာဉ် ၁၇ စီးကို ထပ်မံရရှိမည်ဖြစ်ပြီး၊ မကြာမီပြုလုပ်မည့် ပူးတွဲစစ်ရေးလေ့ကျင့်မှုအတွင်း တရားဝင်လွှဲပြောင်းပေးအပ်ရန် စီစဉ်ထားကြောင်း အဆင့်မြင့်စစ်ဘက်ခေါင်းဆောင်များ တွေ့ဆုံမှုအပြီးတွင် ထိုင်းတော်ဝင်စစ်တပ်က ဖေဖော်ဝါရီ ၂၄ ရက်တွင် ထုတ်ပြန်ခဲ့သည်။ အဆိုပါယာဉ်များကို ထိုင်းကဝယ်ယူခြင်းမျိုးမဟုတ်ဘဲ အမေရိကန်၏ လုံခြုံရေးဆိုင်ရာ အကူအညီပေးရေး အစိတ်အပိုင်းတစ်ခုအဖြစ် လွှဲပြောင်းပေးခြင်းဖြစ်သည်။
