ချင်းမိုင် ဒွယ်အင်ထနွန် အမျိုးသားဥယျာဉ်အတွင်း ကျားတစ်ကောင် လွတ်မြောက်နေသဖြင့် အရေးပေါ် သတိပေးချက်ထုတ်ပြန်

ထိုင်းနိုင်ငံ၊ ချင်းမိုင်မြို့၊ Chom Thong ခရိုင်ရှိ ဒွယ်အင်ထနွန် (Doi Inthanon) အမျိုးသားဥယျာဉ်နယ်မြေအတွင်း ဒေသခံတစ်ဦး၏ နွားများ ကျားကိုက်ခံရသည့် ဖြစ်စဉ်ဖြစ်ပွားပြီးနောက် လွတ်မြောက်နေသည့် ကျားအန္တရာယ်အတွက် ၂၀၂၆ ခုနှစ် ဖေဖော်ဝါရီ ၂၄ ရက်တွင် အာဏာပိုင်များက သတိပေးချက် ထုတ်ပြန်လိုက်သည်။ အဆိုပါကျားသည် လှောင်အိမ်အတွင်းမှ ထွက်ပြေးလွတ်မြောက်လာခြင်း ဖြစ်နိုင်သည်ဟု ခန့်မှန်းထားသဖြင့် တောရိုင်းတိရစ္ဆာန်ထိန်းသိမ်းရေး ဝန်ထမ်းများက အနီးနားရှိ ရပ်ရွာများအတွင်းရှိ လှောင်အိမ်များကို လိုက်လံစစ်ဆေးရန် ညွှန်ကြားထားသည်။ လက်ရှိတွင် Ban Luang နယ်မြေတစ်ဝိုက်၌ ကျားတိုက်ခိုက်မှုကြောင့် ဒဏ်ရာရရှိထားသည့် နွားများကို တွေ့ရှိထားသဖြင့် ဒေသခံများအနေဖြင့် အထူးဂရုပြုနေထိုင်ကြရန် သတိပေးထားကြောင်း သိရသည်။