အိမ်တွင်းထဲ အဝတ်စိုများလှန်းခြင်းဘေးအန္တရာယ်

ရာသီဥတု မိုးတွေရွာတဲ့အခါ လူတွေက လျှော်ပြီးသားအဝတ်တွေကို အိမ်ထဲမှာပဲ လှန်းကြပါတယ်။ ဒီလိုမျိုး အိမ်ထဲမှာ အဝတ်လှန်းတာဟာ အိမ်တွင်းထဲမှာ စိုထိုင်းဆတက်စေပြီး လေတွေ လေးလံလာပါတယ်။ စိုစွတ်မှုများလာကာ မှိုပေါက်ဖွားနိုင်ပြီး အသက်ရှူကြပ်ခြင်း၊ ဓာတ်မတည့်ခြင်းတို့ ဖြစ်လာနိုင်ပါတယ်။ လေဝင်လေထွက် မကောင်းတော့ဘဲ နံရံတွေ၊ မျက်နှာကျက်တွေ၊ ပရိဘောဂတွေမှာ စိုစွတ်လာပါတယ်။ အချိန်ကြာလာရင် မှိုတွေ ရှင်သန်ပေါက်ဖွားလာကြပြီး ပစ္စည်းမျက်နှာပြင်တွေ ပျက်စီးစေပါတယ်။