အမေရိကန်ပြည်ထောင်စုနှင့် အီရန်နိုင်ငံတို့အကြား နျူကလီးယားသဘောတူညီချက်ရရှိရေးအတွက် တတိယအကျော့ ဆွေးနွေးပွဲများကို ဖေဖော်ဝါရီ ၂၆ ရက်တွင် ဆွစ်ဇာလန်နိုင်ငံ၊ ဂျီနီဗာမြို့၌ ကျင်းပမည်ဖြစ်ကြောင်း အိုမန်နိုင်ငံခြားရေးဝန်ကြီးက အတည်ပြုပြောကြားခဲ့သည်။ လက်ရှိတွင် အီရန်နိုင်ငံက သဘောတူညီချက်သစ်အတွက် မူကြမ်းရေးဆွဲနေပြီး အမေရိကန်သမ္မတ ဒေါ်နယ်ထရန့်ကလည်း သတ်မှတ်ရက်အတွင်း သဘောတူညီချက်မရရှိပါက ဆိုးရွားသည့် အကျိုးဆက်များရှိလာနိုင်ကြောင်း သတိပေးထားသည်။ အဆိုပါဆွေးနွေးပွဲသို့ အီရန်နိုင်ငံခြားရေးဝန်ကြီး အာရက်ချီနှင့် အမေရိကန်အထူးသံတမန် စတိဗ်ဝစ်ကော့ဖ်တို့ တက်ရောက်ကြမည်ဖြစ်ပြီး၊ အိုမန်နိုင်ငံက ကြားဝင်ညှိနှိုင်းပေးနေသည့် ဤဆွေးနွေးပွဲသည် နှစ်နိုင်ငံတင်းမာမှုများ လျှော့ချနိုင်ရေးအတွက် အရေးပါသော ခြေလှမ်းတစ်ခုဖြစ်ကြောင်း သိရသည်။
