ထိုင်းနိုင်ငံတွင် နွေရာသီစတင်ပြီဖြစ်ပြီး ယခင်နှစ်ထက် ပိုမိုပူပြင်းကာ အမြင့်ဆုံးအပူချိန် ၄၃ ဒီဂရီအထိ ရောက်ရှိနိုင်ကြောင်း သတိပေး

ထိုင်းနိုင်ငံတွင် ယနေ့ ဖေဖော်ဝါရီ ၂၂ ရက်မှစတင်၍ နွေရာသီသို့ ကူးပြောင်းပြီဖြစ်ကြောင်း ထိုင်းမိုးလေဝသဌာန (TMD) က ထုတ်ပြန်ခဲ့ပြီး၊ ယခုနှစ် နွေရာသီသည် ၂၀၂၅ ခုနှစ်ထက် ပိုမိုပူပြင်းကာ အမြင့်ဆုံးအပူချိန် ၄၂ ဒီဂရီမှ ၄၃ ဒီဂရီစင်တီဂရိတ်အထိ ရှိလာနိုင်ကြောင်း ခန့်မှန်းထားသည်။ အထူးသဖြင့် မယ်ဟောင်ဆောင်နှင့် လန်ပန်းဒေသများတွင် အပူရှိန်အမြင့်ဆုံးဖြစ်နိုင်ပြီး၊ အယ်လ်နီညိုဖြစ်စဉ်ကြောင့် မတ်လမှ မေလအထိ ပုံမှန်ထက် အပူချိန်မြင့်မားနိုင်ကာ မိုးခေါင်ရေရှားမှုများလည်း ကြုံတွေ့ရနိုင်ကြောင်း သိရသည်။ ထို့ပြင် ဖေဖော်ဝါရီ ၂၃ ရက်မှ ၂၅ ရက်အတွင်း တောင်လေနှင့် အရှေ့တောင်လေများကြောင့် မိုးသက်လေပြင်းတိုက်ခတ်ခြင်း၊ မိုးသီးကြွေခြင်းနှင့် နွေရာသီမုန်တိုင်းငယ်များ ဝင်ရောက်နိုင်သဖြင့် ပင်လယ်ပြင်ခရီးသွားလာမှုနှင့် မိုးသက်လေပြင်းအန္တရာယ်ကို အထူးသတိပြုရန် လိုအပ်ကြောင်း ထုတ်ပြန်ချက်တွင် ဖော်ပြထားသည်။