စင်ကာပူတွင်၂၀၀ တန်ပုစွန်ထုပ်ကို ၂ ဒေါ်လာပဲ ကောက်ခံခဲ့ပေမဲ့ နောက်နေ့မှာ ငွေပြန်လာပေးခဲ့တဲ့ ရိုးသားတဲ့မိသားစု

စင်ကာပူနိုင်ငံရှိ Cheng Ji Seafood စားသောက်ဆိုင်တွင် တရုတ်နှစ်သစ်ကူးကာလအတွင်းက အလွန်ချီးကျူးစရာကောင်းသည့် ရိုးသားမှုဖြစ်ရပ်တစ်ခု ဖြစ်ပွားခဲ့ကြောင်း Mothership သတင်းတွင် ဖော်ပြထားသည်။ ဖေဖော်ဝါရီ ၁၈ ရက်နေ့က မိသားစုတစ်စု လာရောက်စားသောက်စဉ် ဆိုင်ပိုင်ရှင်က အလုပ်ရှုပ်နေသဖြင့် ၂၀၀ ကျသင့်သည့် ပုစွန်ထုပ်ဟင်းလျာအတွက် ၂ ဒေါ်လာသာ မှားယွင်းကောက်ခံမိခဲ့သော်လည်း အဆိုပါမိသားစုသည် နောက်တစ်နေ့တွင် ဆိုင်သို့ကိုယ်တိုင်ပြန်လာကာ ပေးရန်ကျန်နေသည့် ၁၉၈ ဒေါ်လာကို လာရောက်ပေးချေခဲ့ကြသည်။ ဆိုင်ပိုင်ရှင်က ထိုမိသားစု၏ ရိုးသားမှုကို အထူးကျေးဇူးတင်ရှိပြီး ၎င်းတို့၏ သမီးငယ်နှစ်ဦးအား စံပြကလေးများအဖြစ် ချီးကျူးကာ မုန့်ဖိုး (Angbao) ပြန်လည်ပေးအပ်ခဲ့ရာ လူမှုကွန်ရက်တွင်လည်း မိဘများ၏ လက်တွေ့ကိုယ်ကျင့်တရားပြသမှုအပေါ် ချီးကျူးမှုများ ပြည့်နှက်နေကြောင်း သိရသည်။