ဧရာဝတီတိုင်း၊မော်တင်စွန်း ဘုရားပွဲလက်မှတ် မှောင်ခိုဈေးကနေ ဝယ်နေကြသူများပြားနေ

ဧရာဝတီတိုင်းရဲ့ အထင်ကရဖြစ်တဲ့ ဆံတော်ရှင် မော်တင်စွန်း ဘုရားပွဲတော်ကို လာကြတဲ့ ဘုရားဖူးတွေဟာ သင်္ဘောလက်မှတ်တွေကို သတ်မှတ်ထားတဲ့ အရောင်းဌာနမှာ ဝယ်လို့မရဘဲ ပြင်ပမှောင်ခိုဈေးကွက်မှာ သတ်မှတ်ဈေးထက် ပိုပေးပြီး ဝယ်နေရပါတယ်။“အမှန်တကယ် ခရီးသွားမယ့်သူတွေက ဘွတ်ကင်ယူထားတာ ရှိသလို လက်မှတ်ကို မှောင်ခိုရောင်းချင်တာနဲ့ စျေးတင်ရောင်းချင်တဲ့ လူတချို့ကလည်း ရည်ရွယ်ချက်ရှိရှိ ဘွတ်ကင်ယူထားကြတာလည်း ရှိတယ်”လို့ ခမောက်မော်ဒေသခံတဦးက ပြောပါတယ်။လက်ရှိမှာ သင်္ဘောလက်မှတ်စျေးနှုန်းတွေဟာ လူတဦးကို ၁၂,၀၀၀ ကျပ်၊ ပန်ကာအခန်းတခန်းကို ၄၀,၀၀၀ ကျပ်နဲ့ အဲကွန်းခန်းတခန်းကို ၆၀,၀၀၀ ကျပ်ဆိုပြီး ပုံမှန်စျေး အဖြစ် သတ်မှတ်ထားတယ်လို့ စုံစမ်းသိရှိရပါတယ်။