မန်ယူအသင်းရဲ့ တရားဝင်နည်းပြ ဖြစ်လာရေးက မိမိအတွက် အရေးအကြီးဆုံးအရာဖြစ်ကြောင်း ကာရစ် ပြောကြား

မန်ယူအသင်းတွင် အာမိုရင်မ်၏နေရာ၌ ရာသီကုန်အထိ ယာယီနည်းပြအဖြစ် ခန့်အပ်ခံထားရသည့် မိုက်ကယ်ကာရစ်က ၎င်းအနေဖြင့် အသင်းကို ရေရှည်ကိုင်တွယ်ရမည့် တရားဝင်နည်းပြ ဖြစ်လာရေးမှာ အရေးအကြီးဆုံးအရာဖြစ်ကြောင်းနှင့် လက်ရှိလုပ်ဆောင်နေရသည့် တာဝန်အပေါ် များစွာပျော်ရွှင်ကျေနပ်မှုရှိကြောင်း BBC နှင့် အင်တာဗျူးတွင် ထုတ်ဖော်ပြောကြားခဲ့သည်။ ကာရစ်လက်ထက်တွင် မန်ယူအသင်း၏ ခြေစွမ်းနှင့် ရလဒ်များ သိသိသာသာ တိုးတက်လာခြင်းကြောင့် ၎င်းကို တရားဝင်ခန့်အပ်ရန် တိုက်တွန်းမှုများရှိနေသလို၊ အသင်းကစားသမားဟောင်းအချို့၏ ဝေဖန်မှုများလည်း ရှိနေသော်လည်း လက်ရှိတွင် ကာရစ်မှာ ခရစ္စတယ်ပဲလေ့စ်နည်းပြ ဂလက်စ်နာကို ကျော်ဖြတ်ကာ နည်းပြသစ်ဖြစ်လာရန် ရေပန်းအစားဆုံးသူ ဖြစ်နေကြောင်း သိရသည်။