ထိုင်းရှိ မြန်မာ၊ လာအိုနှင့် ဗီယက်နမ် အလုပ်သမား ၃ သိန်းကျော်အတွက် အလုပ်လုပ်ကိုင်ခွင့်သက်တမ်းတိုးရန် အတည်ပြု

ထိုင်းနိုင်ငံတွင် အလုပ်လုပ်ကိုင်နေသည့် မြန်မာ၊ လာအိုနှင့် ဗီယက်နမ် အလုပ်သမား ၃၇၀,၀၀၀ ကျော် တရားမဝင်ဖြစ်မသွားစေရန်နှင့် လုပ်သားအင်အား တည်ငြိမ်စေရန်အတွက် အလုပ်လုပ်ကိုင်ခွင့် (Work Permit) လျှောက်ထားရမည့် နောက်ဆုံးသတ်မှတ်ရက်ကို ၂၀၂၆ ခုနှစ်၊ မတ်လ ၃၁ ရက်နေ့အထိ တိုးမြှင့်ပေးရန် ထိုင်းနိုင်ငံခြားသားအလုပ်သမား စီမံခန့်ခွဲမှုမူဝါဒကော်မတီက ဖေဖော်ဝါရီ ၂၀ ရက်တွင် ဆုံးဖြတ်အတည်ပြုလိုက်သည်။ အလုပ်သမားဝန်ကြီး Ms. Treenuch Thienthong ဦးဆောင်သည့် အဆိုပါအစည်းအဝေးတွင် ကျန်းမာရေးစစ်ဆေးခြင်းနှင့် အလုပ်လုပ်ကိုင်ခွင့်ကြေး ပေးသွင်းခြင်းဆိုင်ရာ အခက်အခဲများကို ဖြေရှင်းရန် အချိန်တိုးမြှင့်ပေးခဲ့ခြင်းဖြစ်ပြီး၊ ယခုဆုံးဖြတ်ချက်ကို အစိုးရအဖွဲ့ထံ ဆက်လက်တင်ပြ၍ အတည်ပြုချက်ရယူကာ ဝန်ကြီးဌာန ကြေညာချက်မူကြမ်းကို အမြန်ဆုံးရေးဆွဲသွားမည်ဖြစ်ကြောင်း သိရသည်။