စင်ကာပူ Little India က နာမည်ကြီး ဘင်္ဂလားဒေ့ရှ် စားသောက်ဆိုင်မှာ မီးလောင်မှုဖြစ်ပွား

စင်ကာပူနိုင်ငံ၊ Little India အရပ်၊ Rowell လမ်းရှိ Khana Basmati ဘင်္ဂလားဒေ့ရှ်စားသောက်ဆိုင်တွင် ဖေဖော်ဝါရီ ၁၉ ရက် နေ့လယ်ပိုင်းက မီးလောင်မှုဖြစ်ပွားခဲ့ရာ စင်ကာပူမီးသတ်တပ်ဖွဲ့ (SCDF) မှ မီးသတ်ယာဉ်များဖြင့် လာရောက်ငြှိမ်းသတ်ခဲ့ကြောင်း သိရသည်။ မီးသည် မီးဖိုချောင်အတွင်းရှိ ပစ္စည်းများနှင့် လေစုပ်ထုတ်သည့်ပြွန် (Kitchen exhaust duct) မှတစ်ဆင့် စတင်လောင်ကျွမ်းခဲ့ခြင်းဖြစ်ပြီး မီးသတ်တပ်ဖွဲ့ဝင်များ၏ အချိန်မီဆောင်ရွက်မှုကြောင့် လူတစ်စုံတစ်ဦးမျှ ထိခိုက်ဒဏ်ရာရရှိခြင်းမရှိဘဲ မီးငြိမ်းသတ်နိုင်ခဲ့သည်။ လက်ရှိတွင် တာဝန်ရှိသူများက မီးလောင်ရသည့်အကြောင်းရင်းကို စုံစမ်းစစ်ဆေးနေဆဲဖြစ်ကာ စားသောက်ဆိုင်ပိုင်ရှင်များအနေဖြင့် မီးဘေးအန္တရာယ်ကင်းဝေးစေရန် မီးဖိုချောင်လေစုပ်စက်ပြွန်များကို ပုံမှန်သန့်ရှင်းရေးလုပ်ဆောင်ကြရန် တိုက်တွန်းထားပါသည်။