ရှမ်းပြည်နယ်မြို့တော် တောင်ကြီးမြို့တွင် ယခုရက်ပိုင်းအတွင်း နေ့အပူချိန်များ အနည်းငယ်မြင့်တက် လာနေသည့်အတွက် မီးဘေးအန္တရာယ် သတိပြုရန် လိုအပ်နေကြောင်း သိရသည်။တောင်ကြီးမြို့ပေါ်ရှိ ရပ်ကွက်တွင်းလမ်းများနှင့် မြို့မဈေးကြီးပတ်လည်ရှိ လမ်းအများစုသည် လမ်းကျဉ်းများ ဖြစ်သည့်အပြင် မီးသတ်ကား ဝင်ထွက်ရန် အဆင်မပြေသည့်အတွက် မီးဘေးအန္တရာယ် ဖြစ်ပွားလာပါက စိုးရိမ်ရကြောင်း ဒေသခံများက ပြေဆိုကြသည်။ပြီးခဲ့သည့် ဇန်နဝါရီလ ၁၃ ရက်၊ နေ့လယ်ပိုင်းက တောင်ကြီးမြို့၊ အနောက်မြို့ပတ်လမ်း၊ ရတနာသီရိ ရပ်ကွက်ရှိ ဖုန်းနှင့် ဖုန်းအပို ပစ္စည်းအရောင်းဆိုင်တစ်ခုတွင် မီးလောင်မှု ဖြစ်ပွားခဲ့ဖူးပြီး ၂၀၂၅ ခုနှစ်၊ ဒီဇင်ဘာလ ၁၆ ရက်ကလည်း တောင်ကြီးမြို့နယ်၊ အေးသာယာမြို့ရှိ စက်သုံးဆီအရောင်းဆိုင် ဂိုဒေါင်တစ်ခုတွင် မီးလောင်မှုဖြစ်ပွားကာ အမျိုးသားတစ်ဦး ထိခိုက်ဒဏ်ရာရမှု ဖြစ်ပွားခဲ့သေးသည်။
