မုံရွာမြို့၊ ဘုရားလှစေတီဝင်းအတွင်းရှိ ၈၇ နှစ်သက်တမ်းရှိ ကြေးခေါင်းလောင်းကြီးနှင့် ခေါင်းလောင်းစင်ကို ပြန်လည်ပြုပြင်မွမ်းမံနေ

စစ်ကိုင်းတိုင်းဒေသကြီး၊ မုံရွာမြို့၏ သမိုင်းဝင် ဘုရားလှစေတီတော်ဝင်းအတွင်းရှိ သက်တမ်း ၈၇ နှစ်ရှိပြီဖြစ်သော ရှေးဟောင်းကြေးခေါင်းလောင်းကြီးနှင့် ခေါင်းလောင်းစင်ကို အလှူရှင်တစ်ဦး၏ မတည်မှုဖြင့် ပြန်လည်ပြုပြင်မွမ်းမံလျက်ရှိသည်။ အဆိုပါခေါင်းလောင်းကြီးသည် မြန်မာသက္ကရာဇ် ၁၃၀၀ ပြည့်နှစ် (၁၉၃၉ ခုနှစ်) က မုံရွာမြို့မင်းကြီး ဦးဘိုးအိုနှင့် ဇနီးဒေါ်တုပ်တို့က လှူဒါန်းခဲ့ခြင်းဖြစ်ပြီး၊ အလေးချိန် ၁၈၉ ပိဿာကျော်ရှိကာ ကြေးမုံရွာမှ ကြေးသွန်းဆရာကြီး ဦးထွန်းမြ၏ လက်ရာဖြစ်ကြောင်း သိရသည်။ ခေါင်းလောင်းကြီး၏ ထူးခြားချက်မှာ ခေါင်းလောင်းပတ်လည်တွင် ရုပ်ပုံများနှင့် အင်းကွက်များ စနစ်တကျ ရေးထိုးထားခြင်းဖြစ်ပြီး၊ လက်ရှိတွင် ခေါင်းလောင်းစင်အား အသစ်ပြန်လည်ပြုပြင်ခြင်းနှင့် ခေါင်းလောင်းကြီးကို ရောင်တော်ပြန်ဖွင့်ခြင်းလုပ်ငန်းများကို ဆောင်ရွက်နေပြီဖြစ်ကြောင်း သိရှိရပါသည်။