ပုသိမ်မြို့တွင် နှစ်သစ်ကူးအထိမ်းအမှတ် နမ်ဖုရွှေနဂါးအဖွဲ့ လှည့်လည်ကပြဖျော်ဖြေ

ပုသိမ်မြို့၊ နမ်ဖုကွမ်ရင်မယ်တော်ကျောင်းမှ "နမ်ဖုရွှေနဂါးလူငယ်များ" အဖွဲ့သည် တရုတ်နှစ်သစ်ကူးအထိမ်းအမှတ်အဖြစ် ပုသိမ်မြို့အတွင်း လှည့်လည်ကပြဖျော်ဖြေခဲ့ကြသည်။ ဖေဖော်ဝါရီ ၁၆ ရက် ညနေပိုင်းတွင် Ocean Shopping Center ရှေ့ရှိ View Point ၌ စတင်ကပြခဲ့ပြီး၊ ထိုမှတစ်ဆင့် ကုန်သည်လမ်းတစ်လျှောက် CB Bank ရှေ့မှ အ.မ.က (၂၄) ကျောင်းရှေ့အထိ လှည့်လည်ဖျော်ဖြေခဲ့ကြသည်။ ထို့ပြင် ဖေဖော်ဝါရီ ၁၇ ရက် နံနက်ပိုင်းတွင်လည်း ကမ်းနားလမ်းရှိ နမ်ဖုကွမ်ရင်မယ်တော်ကျောင်းရှေ့၌ ဆက်လက်ကပြဖျော်ဖြေခဲ့ရာ ဒေသခံများ စည်ကားသိုက်မြိုက်စွာ ကြည့်ရှုအားပေးခဲ့ကြကြောင်း သိရှိရပါသည်။