အရှေ့အိန္ဒိယသမုဒ္ဒရာတွင် ဖြစ်ပေါ်နေသည့် လေဖိအားနည်းရပ်ဝန်း ပိုမိုအားကောင်းလာနိုင်

အီကွေတာအနီး အရှေ့အိန္ဒိယသမုဒ္ဒရာနှင့် ဘင်္ဂလားပင်လယ်အော် အနောက်တောင်ပိုင်းတို့တွင် ဖြစ်ပေါ်နေသည့် လေဖိအားနည်းရပ်ဝန်းသည်  ဖေဖော်ဝါရီ ၁၈ ရက်တွင် ပိုမိုအားကောင်းလာနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ဖေဖော်ဝါရီ ၁၇ ရက် မွန်းလွဲပိုင်းတွင် ထုတ်ပြန်ခဲ့သည်။ အဆိုပါ လေဖိအားနည်းရပ်ဝန်းသည် အနောက်-အနောက်မြောက်ဘက်သို့ ဖြည်းညှင်းစွာ ရွေ့လျားလျက်ရှိပြီး လက်ရှိတွင် ဘင်္ဂလားပင်လယ်အော်တောင်ပိုင်းနှင့် ဆက်စပ်ဧရိယာများတွင် ဆက်လက်တည်ရှိနေကြောင်း သိရှိရပါသည်။