ယနေ့ ဖေဖော်ဝါရီ ၁၇ ရက်နံနက်ပိုင်းက စေတုတ္တရာမြို့ကိုဗဟိုပြု၍ မိနစ်ပိုင်းသာခြားပြီး ငလျင် နှစ်ကြိမ်လှုပ်ခတ်ခဲ့ပြီး မင်းကင်းမြို့တွင်လည်း တစ်ကြိမ် ထပ်မံလှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။ယနေ့ ဖေဖေယ်ဝါရီလ ၁၇ ရက် နံနက် ၅ နာရီ ၃၉ မိနစ် ၆ စက္ကန့်က စေတုတ္တရာမြို့၏ အနောက်ဘက် ၂၆ မိုင်ခန့်အကွာ၊ အနက် ၅၆ ကီလိုမီတာကိုဗဟိုပြု၍ အင်အားရစ်(ခ်) တာစကေး ၃ ဒသမ ၆ အဆင့်ရှိ အင်အားအနည်းငယ်ရှိသောငလျင် လှုပ်ခတ်ခဲ့သည်။ မိနစ်ပိုင်းသာခြားပြီး နံနက် ၅ နာရီ ၂၀ မိနစ် ၄၆ စက္ကန့်တွင် စေတုတ္တရာမြို့၏ အနောက်ဘက်မိုင် ၂၀ ခန့်အကွာ၊ အနက် ၁၆ ကီလိုမီတာကိုဗဟိုပြု၍ အင်အားရစ်(ခ်)တာစကေး ၄ ဒသမ ၀ အဆင့်ရှိ အင်အားအနည်းငယ်ရှိသောငလျင်တစ်ခု ထပ်မံလှုပ်ခတ်ခဲ့သည်။ နံနက် ၃ နာရီ ၁၀ မိနစ် ၂၁ စက္ကန့်က မင်းကင်းမြို့၏ အနောက်ဘက် ၁၇ မိုင်ခန့်အကွာ၊ အနက် ၅၀ ကီလိုမီတာကိုဗဟိုပြု၍ အင်အားရစ်(ခ်)တာစကေး ၃ ဒသမ ၁ အဆင့်ရှိ အင်အားအနည်းငယ်ရှိသော ငလျင်တစ်ခုလှုပ်ခတ်ခဲ့ကြောင်း သိရသည်။
