စင်ကာပူ Hougang ရှိ လူနေတိုက်ခန်းမြေညီထပ်တွင် ဂွန်ဒိုလာ မီးလောင်မှုဖြစ်ပွား

စင်ကာပူနိုင်ငံ၊ Hougang Avenue 8 ရှိ Block 418 ၌ ဖေဖော်ဝါရီ ၁၆ ရက် မွန်းလွဲပိုင်းတွင် မီးလောင်မှုတစ်ခု ဖြစ်ပွားခဲ့သည်။ အဆောက်အအုံပြင်ပ ပြုပြင်ထိန်းသိမ်းရေးတွင် အသုံးပြုသည့် ဂွန်ဒိုလာ တစ်ခုမှ စတင်လောင်ကျွမ်းခဲ့ပြီး အနီးရှိ ဆောက်လုပ်ရေးပစ္စည်းများကိုပါ မီးကူးစက်ခဲ့ခြင်းဖြစ်သည်။ စင်ကာပူအရပ်ဘက်ကာကွယ်ရေးတပ်ဖွဲ့ မရောက်ရှိမီ ရဲတပ်ဖွဲ့ဝင်များနှင့် လမ်းသွားလမ်းလာအချို့က မီးသတ်ဆေးဘူးများဖြင့် ဝိုင်းဝန်းငြှိမ်းသတ်ခဲ့ကြသဖြင့် မီးအရှိန်တန့်သွားခဲ့ပြီး အပေါ်ထပ်လူနေခန်းများသို့ ကူးစက်ခြင်းမရှိခဲ့ပေ။ အဆိုပါဖြစ်စဉ်ကြောင့် မီးခိုးငွေ့ရှူရှိုက်မိသူ ၃ ဦးကို Singapore General Hospital သို့ ပို့ဆောင်ပေးခဲ့ရသည်။ လက်ရှိတွင် ကျွမ်းကျင်ပညာရှင်များက အဆောက်အအုံကြံ့ခိုင်မှုကို စစ်ဆေးနေပြီး Aljunied-Hougang Town Council (AHTC) က ဘေးကင်းကြောင်း အတည်ပြုပြီးမှသာ ဧရိယာကို ပြန်လည်ဖွင့်လှစ်ပေးမည်ဖြစ်ကာ မီးလောင်ရသည့်အကြောင်းရင်းကို ဆက်လက်စုံစမ်းစစ်ဆေးနေကြောင်း သိရှိရပါသည်။