ဖူးခက်ရှိ တရားမဝင်ဘားတစ်ခုကို ထိုင်းရဲတပ်ဖွဲ့ဝင်စီး၊ ရုရှားမန်နေဂျာနှင့် မြန်မာအလုပ်သမားတစ်ဦး ဖမ်းဆီးခံရ

ထိုင်းနိုင်ငံ၊ ဖူးခက်ပြည်နယ်၊ Thalang ခရိုင်ရှိ Safari Lounge Bar ကို ခွင့်ပြုချက်မရှိဘဲ ဖွင့်လှစ်ခြင်း၊ သတ်မှတ်ချိန်ကျော်လွန်ဖွင့်လှစ်ခြင်းနှင့် တားမြစ်ထားသော ရှီရှား (Hookah) များ ရောင်းချခြင်းတို့ကြောင့် ဖေဖော်ဝါရီ ၁၅ ရက် နံနက်ပိုင်းတွင် ရဲတပ်ဖွဲ့က ဝင်ရောက်စီးနင်းခဲ့သည်။ အဆိုပါစီးနင်းမှုအတွင်း အသက် ၃၅ နှစ်အရွယ် ရုရှားမန်နေဂျာ Kamil နှင့် အလုပ်သမားကတ် မပြနိုင်သည့် မြန်မာလုပ်သားတစ်ဦးတို့ကို ဖမ်းဆီးကာ ချွန်တလေး ရဲစခန်းသို့ ပို့ဆောင်ခဲ့သည်။ ဒေသခံများ၏ တိုင်ကြားချက်အရ ဝင်ရောက်စစ်ဆေးရာတွင် ဆူညံသောဂီတသံများ၊ ရှီရှားသုံးစွဲနေသည့် လူအုပ်စုများနှင့်အတူ သက်သေခံပစ္စည်းများကို သိမ်းဆည်းရမိခဲ့ခြင်းဖြစ်သည်။ အွန်လိုင်းအသုံးပြုသူများအကြား ဤစီးနင်းမှုကို ထောက်ခံသူများရှိသကဲ့သို့ အဂတိလိုက်စားမှုကြောင့် ဖြစ်နိုင်သည်ဟု ဝေဖန်မှုများလည်း ထွက်ပေါ်လျက်ရှိကြောင်း သိရှိရပါသည်။