အာနိုးလ်လိုကစားသမားမျိုးရှိတာ ရီးယဲလ်အတွက် ကံကောင်းတယ်လို့ အာဘီလိုအာ မှတ်ချက်ပြု

ရီးယဲလ်မက်ဒရစ်အသင်းနည်းပြ အာဘီလိုအာက နောက်ခံလူ အာနိုးလ်လိုကစားသမားမျိုးရှိတာ အသင်းအတွက် ကံကောင်းတယ်လို့ မှတ်ချက်ပြုခဲ့ပါတယ်။အာနိုးလ်ဟာ အခုပွဲမှာ ဂွန်ဇာလိုဂါစီယာရဲ့အဖွင့်ဂိုးကို ဖန်တီးပေးခဲ့တာဖြစ်တယ်။၎င်းအနေနဲ့ ရီးယဲလ်အသင်းကို ရောက်လာပြီးနောက် ပထမဆုံးအကြိမ် လာလီဂါနှစ်ပွဲဆက် ဂိုးဖန်တီးပေးနိုင်ခဲ့တာပါ။အခုနွေရာသီမှာ ရီးယဲလ်ကို ရောက်လာတဲ့ အာနိုးလ်ဟာ ဒဏ်ရာတွေနဲ့ ရုန်းကန်နေရပြီး ပွဲချိန် ၄၆၆ မိနစ်သာ ကစားထားခဲ့ရတယ်။အာနိုးလ်ဟာ အခုပွဲမှာ ပွဲထွက်ခွင့်ရပေမဲ့ မိနစ် ၆၀ မှာ ကာဗာဟယ်လ်နဲ့ လူစားလဲခံခဲ့ရပါတယ်။