တီမောလက်စ်တေ သမ္မတ အနေဖြင့် မြန်မာနိုင်ငံ၏ ပြည်တွင်းရေးကို မကြာခဏ ဝင်ရောက်စွက်ဖက်နေသည့်အတွက်ကြောင့် ရန်ကုန်မြို့ရှိ တီမောလက်စ်တေ သံရုံး တာဝန်ခံ အနေဖြင့် ဖေဖေါ်ဝါရီ ၂၀ ရက် မတိုင်ခင် မြန်မာနိုင်ငံမှ ထွက်ခွာသွား ရန် နိုင်ငံခြားရေးဝန်ကြီးဌာန က အသိပေးအကြောင်းထားကြောင်း ယနေ့ ညပိုင်းတွင် အသိပေးထုတ်ပြန်ထားသည်။ရန်ကုန်မြို့ရှိ တီမောလက်စ်တေ သံရုံး တာဝန်ခံ မစ္စတာ အဲလီစီယို ဒို ရိုဆားရီရို ဒီဆော်ဆာ ကို သံတမန်ဆက်ဆံရေး နှင့် စပ်လျဉ်းသည့် ဗီယင်နာ ကွန်ဗင်းရှင်း ၁၉၆၁ အပိုဒ် ၉ နှင့်အညီ ဖေဖေါ်ဝါရီ ၁၃ ရက်နေ့ က ဆင့်ခေါ်၍ အသိပေးထားခြင်းဖြစ်ကြောင်းလည်း သိရသည်။ထိုပြင် တီမောလက်စ်တေသမ္မတ သည် မြန်မာတပ်မတော်အရာရှိကြီးအချို့ အပေါ် တရားစွဲဆိုသည့် ချင်းလူအခွင့်ရေးအဖွဲ့၏ ကိုယ်စားလှယ်ဆိုသူများကို ဇန်နဝါရီ ၁၄ ရက်က လက်ခံတွေ့ဆုံခဲ့ပြီး အခြား အာဆီယံအဖွဲ့ဝင်နိုင်ငံတစ်နိုင်ငံကို ဆန့်ကျင့်နေသည့် တရားမဝင်အဖွဲ့စည်းတစ်ခု နှင့် ထိတွေ့ဆက်ဆံခြင်းသည့် လုံးဝလက်ခံနိုင်ဖွယ်မရှိကြောင်းလည်း ထုတ်ပြန်ချက်တွင် ဖော်ပြထားသည်။
