အသင်းရလဒ်များ အမြန်ဆုံးတိုးတက်လာစေရန် အစွမ်းကုန်ကြိုးစားမည်ဟု စပါးနည်းပြသစ် အီဂေါတူဒေါ ကတိပြု

စပါးအသင်းနည်းပြသစ်အဖြစ် တရားဝင်ခန့်အပ်ခံရသည့် အီဂေါတူဒေါက မိမိ၏အဓိကတာဝန်မှာ အသင်း၏ရလဒ်များကို လျင်မြန်စွာတိုးတက်လာစေရန်ဖြစ်ပြီး အသင်းလူစာရင်းရှိ အရည်အသွေးများကို စုစည်းကာ ပွဲတိုင်းတွင် ယုံကြည်မှုရှိရှိ တစ်သမတ်တည်းကစားနိုင်ရန် ပစ်မှတ်ထားကြောင်း ထုတ်ဖော်ပြောကြားခဲ့သည်။ ဂျူဗင်တပ်စ်၊ လာဇီယိုနှင့် မာဆေးလ်အသင်းတို့ကို ကိုင်တွယ်ခဲ့ဖူးသည့် ဝါရင့်နည်းပြ တူဒေါသည် နည်းပြဘဝ ၁၄ နှစ်အတွင်း အသင်းပေါင်း ၁၁ သင်းအထိ တာဝန်ယူခဲ့ဖူးသူဖြစ်ပြီး ၎င်း၏ စပါးအသင်းနည်းပြဘဝ ပွဲဦးထွက်အဖြစ် လာမည့် ဖေဖော်ဝါရီ ၂၂ ရက်တွင် အာဆင်နယ်နှင့် မြောက်လန်ဒန်ဒါဘီပွဲစဉ်ကို အိမ်ကွင်း၌ စတင်ရင်ဆိုင်ရမည်ဖြစ်ကြောင်း သိရှိရပါသည်။