ပြီးခဲ့သည့် လအတွင်းဆန်နှင့် ဆန်ကွဲ တန်ချိန်နှစ်သိန်းကျော် တင်ပို့ခဲ့

ပြီးခဲ့သည့် ဇန်နဝါရီလတွင် ပြည်ပသို့ ဆန်နှင့်ဆန်ကွဲ တန်ချိန် နှစ်သိန်းကျော်တင်ပို့ခဲ့ကြောင်း မြန်မာနိုင်ငံဆန်စပါးအသင်းချုပ်မှ သိရသည်။ပြည်ပသို့ဆန်တင်ပို့ရာတွင် ပင်လယ်ရေကြောင်းနှင့် နယ်စပ်ကုန်သွယ်ရေးလမ်းကြောင်းများမှ တစ်ဆင့်တင်ပို့ခြင်းဖြစ်ကြောင်း သိရ သည်။ယခုဘဏ္ဍာနှစ် ၁၀ လအတွင်း ပြည်ပသို့ ဆန်နှင့်ဆန်ကွဲတန်ချိန် ၂ ဒသမ ၃ သန်းကျော် တင်ပို့ ထားပြီး ပို့ကုန်ဝင်ငွေအမေရိကန်ဒေါ်လာ ၇၃၅ သန်းကျော်ရရှိထားကြောင်း၊ ၂၀၂၅ -၂၀၂၆ ဘဏ္ဍာနှစ်တွင် ပြည်ပသို့ ဆန်နှင့်ဆန်ကွဲတန်ချိန်၃ သန်း တင်ပို့ရန် လျာထားကြောင်း သိရသည်။ပြည်ပနိုင်ငံများဖြစ်သည့် မဒါဂတ်စကား၊ ဖိလစ်ပိုင်၊ တရုတ်၊ ပိုလန်နှင့် စပိန်နိုင်ငံများသို့ ဆန် တန်ချိန် အများဆုံးတင်ပို့ခဲ့ပြီး စုစုပေါင်း ၃၁ နိုင်ငံသို့ တင်ပို့ခဲ့ကာ ဆန်ကွဲကိုလည်း တရုတ်၊ ဘယ်လ်ဂျီယံ၊ နယ်သာလန်၊ ပိုလန်၊ စပိန်နှင့်ဗြိတိန်နိုင်ငံများသို့ အများဆုံး တင်ပို့ခဲ့ကြောင်း သိရသည်။