ထိုင်းနိုင်ငံ၏ ဗီဇာမဲ့နေထိုင်ခွင့်ကို ရက် ၆၀ မှ ၃၀ သို့ ပြန်လည်လျှော့ချရန် စီစဉ်နေ

ထိုင်းအစိုးရသည် နိုင်ငံပေါင်း ၉၃ နိုင်ငံမှ ခရီးသွားများအား ခွင့်ပြုထားသည့် ဗီဇာမဲ့နေထိုင်ခွင့် (Visa-free) ကို ရက် ၆၀ မှ ၃၀ သို့ ပြန်လည်လျှော့ချရန် စီစဉ်လျက်ရှိပြီး၊ ယင်းမှာ ရက်ရှည်နေထိုင်ခွင့်ကို အခွင့်ကောင်းယူ၍ ဝင်ရောက်လာမည့် ဒုစရိုက်သမားများနှင့် တရားမဝင်လုပ်ငန်းများကို တားဆီးရန်နှင့် ခရီးသွားလုပ်ငန်း၏ ဘေးကင်းလုံခြုံရေးပုံရိပ်ကို မြှင့်တင်ရန်အတွက် ဖြစ်ပါသည်။ ခရီးသွားအများစုသည် ပျမ်းမျှ ၂၁ ရက်ခန့်သာ နေထိုင်တတ်သဖြင့် လုပ်ငန်းအပေါ် ထိခိုက်မှုမရှိနိုင်ကြောင်း ဝန်ကြီးဌာနက သုံးသပ်ထားပြီး၊ ရက် ၃၀ ထက် ပိုမိုနေထိုင်လိုသူများအနေဖြင့် ပုံမှန်အတိုင်း သက်တမ်းတိုးလျှောက်ထားနိုင်မည်ဖြစ်ကာ အဆိုပါမူဝါဒသစ်ကို အိမ်စောင့်အစိုးရနှင့် သက်ဆိုင်ရာကော်မတီတို့က ဆက်လက်သုံးသပ်ပြင်ဆင်သွားမည်ဖြစ်ကြောင်း သိရပါသည်။