ရန်ကုန်မြို့ တရုတ်တန်း၌ ၂၀၂၆ ခုနှစ် တရုတ်နှစ်သစ်ကူး အသုံးအဆောင်ပစ္စည်းများ စည်ကားစွာ ရောင်းချလျက်ရှိ

မကြာမီကျရောက်တော့မည့် ၂၀၂၆ ခုနှစ်၊ တရုတ်နှစ်သစ်ကူးပွဲတော် (နွေဦးပွဲတော်) အား ကြိုဆိုဂုဏ်ပြုရန်အတွက် ရန်ကုန်မြို့၊ လသာမြို့နယ်ရှိ တရုတ်တန်းတစ်လျှောက်တွင် နှစ်သစ်ကူးအသုံးအဆောင် ပစ္စည်းရောင်းချသူများနှင့် ဝယ်ယူသူများဖြင့် အလွန်စည်ကားလျက်ရှိသည်။ လမ်းဘေးဝဲယာတစ်လျှောက်တွင် ကံကောင်းခြင်းနှင့် လာဘ်လာဘကို ကိုယ်စားပြုသည့် အနီရောင်မီးအိမ်များ၊ နှစ်သစ်ကူးစာသားပါ စာတမ်းများ၊ ရိုးရာရုပ်ပုံများနှင့် အလှဆင်ပစ္စည်းများကို စုံလင်စွာ ခင်းကျင်းရောင်းချနေကြသည်။ ဒေသခံပြည်သူများသည် မိမိတို့၏ နေအိမ်များကို အလှဆင်ရန်နှင့် လက်ဆောင်ပေးရန်အတွက် စိတ်အားထက်သန်စွာ လာရောက်ဝယ်ယူနေကြပြီး၊ တရုတ်တန်း၏ ညမြင်ကွင်းမှာလည်း ရောင်စုံမီးဆိုင်းများနှင့်အတူ ပွဲတော်အငွေ့အသက်များဖြင့် ဝေဝေဆာဆာရှိနေကြောင်း သိရှိရပါသည်။