တရုတ်နိုင်ငံသည် ဒေသတွင်း၌ အလိုလျောက်ထိန်းချုပ်မောင်းနှင်သည့်စနစ်များအတွက် ဝယ်လိုအား မြင့်တက်လာသည်နှင့်အမျှ ဆော်ဒီအာရေဗျနိုင်ငံတွင် ကျင်းပသည့် ကမ္ဘာ့ကာကွယ်ရေးပြပွဲ၌ ရေငုပ်သင်္ဘောဖျ-က် ဒရုန်းတစ်စင်းအပါအဝင် မောင်းသူမဲ့ယာဉ် အမျိုးမျိုးကို ပြသခဲ့ကြောင်း သိရသည်။ရီယာဒ်မြို့တွင် တနင်္ဂနွေနေ့က စတင်ဖွင့်လှစ်ခဲ့ပြီး ကြာသပတေးနေ့အထိ ကျင်းပမည့် အဆိုပါ ကာကွယ်ရေးပြပွဲတွင် နိုင်ငံပေါင်း ၇၆ နိုင်ငံမှ ပြခန်းပေါင်း ၇၇၀ ကျော် ပါဝင်ပြသလျက်ရှိသည်။တရုတ်နိုင်ငံသည် အဆိုပါပြပွဲတွင် အကြီးဆုံးပြခန်းများအနက် တစ်ခုကို ပိုင်ဆိုင်ထားပြီး ပရိသတ်စိတ်ဝင်စားသည့် တရုတ်ဒရုန်းများထဲတွင် ဝင်းလုံ-အိတ်စ် မောင်းသူမဲ့လေယာဉ်၏ ပုံစံတူမော်ဒယ်လည်း ပါသည်။
