အမေရိကန်နိုင်ငံ၊ နယူးယောက်မြို့တွင် ၁၉၆၁ ခုနှစ်နောက်ပိုင်း အချိန်အရှည်ကြာဆုံးအဖြစ် စံချိန်တင် အေးခဲနေသည့် ရာသီဥတုဒဏ်ကြောင့် လက်ရှိအချိန်အထိ သေဆုံးသူ ၁၈ ဦး ရှိလာပြီဖြစ်ကြောင်း အာဏာပိုင်များက ထုတ်ပြန်လိုက်သည်။ ဖေဖော်ဝါရီလ ၉ ရက်နေ့တွင် အပူချိန်သည် အနုတ် ၄ ဒီဂရီအထိ ကျဆင်းခဲ့ပြီး ကနေဒါနယ်စပ်အနီးရှိ Watertown မြို့တွင်မူ တစ်နိုင်ငံလုံး၌ အနိမ့်ဆုံးဖြစ်သည့် အနုတ် ၃၄ ဒီဂရီအထိ ရှိခဲ့သည်။ ပင်ဆယ်ဗေးနီးယားပြည်နယ် DuBois မြို့တွင်လည်း အနုတ် ၃ ဒီဂရီဖြင့် စံချိန်တင် အေးခဲ့ကာ နယူးယောက်တစ်မြို့လုံး အေးစိမ့်သည့် လေပြင်းများ တိုက်ခတ်နေသဖြင့် ပြည်သူများ အိမ်တွင်း၌သာ နေထိုင်ကြရန် တိုက်တွန်းထားသော်လည်း အချို့မှာ အအေးဒဏ်ကြားမှ အပြင်သို့ ထွက်ခွာသွားလာနေကြရဆဲ ဖြစ်ကြောင်း သိရှိရပါသည်။
