လာအိုနိုင်ငံ၊လွန်ပရာဘန် မြို့လယ်ခေါင်တွင် ကမ္ဘာလှည့်ခရီးသွား ဗန်ကားများ ဝင်ရောက်မှုကို ကန့်သတ်ပြီး မြစ်ကမ်းနား ရပ်နားကွင်းများကို ပိတ်သိမ်းမည်

လာအိုနိုင်ငံ၊ လွန်ပရာဘန် (Luang Prabang) မြို့အာဏာပိုင်များသည် ညဈေးနှင့် ရှေးဟောင်းအမွေအနှစ် နေရာများအနီး ယာဉ်ကြောပိတ်ဆို့မှုနှင့် စည်းကမ်းမဲ့ ကားရပ်နားမှုများကို လျှော့ချရန်အတွက် သွားလာမှုဆိုင်ရာ စည်းကမ်းသစ်များကို အတည်ပြုလိုက်ကြောင်း အင်္ဂါနေ့ (ဖေဖော်ဝါရီ ၁၀၊ ၂၀၂၆) တွင် ထုတ်ပြန်ခဲ့သည်။ စည်းကမ်းသစ်အရ ခရီးသွား ဗန်ကားများသည် ညဈေးဝင်ပေါက်မှ မဲခေါင်မြစ်နှင့် နမ်ခန်းမြစ်ဆုံရာအထိ မြို့လယ် အဓိကလမ်းမကြီးကို အသုံးပြုခွင့် ရတော့မည်မဟုတ်ဘဲ မြစ်ကမ်းဘေးရှိ သတ်မှတ်ထားသော တစ်လမ်းမောင်း လမ်းများကိုသာ ခရီးသည် အတင်အချ ပြုလုပ်ရန် အသုံးပြုရမည် ဖြစ်သည်။ ထို့အပြင် မြစ်ကမ်းဘေးရှိ ကားရပ်နားရန်နေရာများကို ဒေသခံများအတွက်သာ သီးသန့်ထားရှိမည်ဖြစ်ပြီး၊ ဗန်ကားများအနေဖြင့် ခရီးသည် ပို့ဆောင်ပြီးပါက မြို့ပြင်ရှိ သတ်မှတ်နေရာများတွင်သာ သွားရောက်ရပ်နားရမည် ဖြစ်သည်။ ဤစီမံချက်သည် မြို့ပြအမွေအနှစ် ထိန်းသိမ်းရေးနှင့် ဒေသခံတို့၏ နေ့စဉ်ဘဝကို အနှောင့်အယှက်မဖြစ်စေရန် ရည်ရွယ်ခြင်း ဖြစ်သည်။