သံနှင့်ပြုလုပ်သောအိုးခွက်ပန်းကန်များအသုံးပြုခြင်းဖြင့် အမျိုးသမီးများဓမ္မတာရောက်ချိန်သံဓာတ်ဆုံးရှုံးခြင်းအတွက်အထောက်အကူဖြစ်

ဓမ္မတာကာလရောက်ချိန်မှာ အမျိုးသမီးတွေဟာ အားအင်နည်းပါးပြီး ပင်ပန်းခြင်းနဲ့ အခြားသောလက္ခဏာတွေ ဖြစ်တတ်ပါတယ်။ ထိုအချိန်မှာ သံဓာတ်အများအပြား ဆုံးရှုံးကြကာ သွေးပမာဏအပေါ်မူတည်ပြီး သံဓာတ်ဆုံးရှုံးကြတယ်လို့ အာဟာရပညာရှင် ရာရှီချောင်ဒယ်ရီက ပြောပါတယ်။ ပုံမှန်ဆိုရင် ဓမ္မတာတစ်ကြိမ်လာရင် သံဓာတ် ၁၅-၃၀ မီလီဂရမ်ခန့်ဆုံးရှုံးကာ တစ်နှစ်ဆိုရင် ၁၈၀-၃၆၀ မီလီဂရမ်လောက် ရှိပါတယ်။

ဓမ္မတာများရင်တော့ တစ်လကို ၄၀ မီလီဂရမ်ကျော် ဆုံးရှုံးနိုင်ပြီး တစ်နှစ်ကို ၄၈၀ မီလီဂရမ်ခန့်အထိ ရှိနိုင်ပါတယ်။ ထိုအခါမှာ သံဓာတ်ဖြည့်စွက်ဆေးတွေ လိုအပ်လာနိုင်ပြီး ကြက်သား၊ ကြက်ဥ၊ ငါးတို့လောက်နဲ့ မလုံလောက်နိုင်ပါဘူး။