ရန်ကုန်တိုင်းဒေသကြီးအစိုးရအဖွဲ့၊ မြန်မာအာကာသအေဂျင်စီနှင့် အာကာသပြတိုက် (ရန်ကုန်) တို့က ကြီးမှူးကာ အခြေခံပညာအဆင့် ပြိုင်ပွဲဝင်ကျောင်းသား ၆,၀၀၀ ကျော် ပါဝင်ယှဉ်ပြိုင်မည့် မြန်မာနိုင်ငံ၌ အကြီးကျယ်အခမ်းနားဆုံး အာကာသဆိုင်ရာ ပန်းချီ/ ကာတွန်း/ ပိုစတာပြိုင်ပွဲကို ရန်ကုန်မြို့ ပြည်သူ့ရင်ပြင်ရှိ အာကာသပြတိုက် (ရန်ကုန်) ၌ ဖေဖော်ဝါရီ (၂၇) ရက်မှ မတ် (၁) ရက်ထိ (၃) ရက်တိုင်တိုင် ကျင်းပသွားမည်ဖြစ်ကြောင်း သိရသည်။အဆိုပါပြိုင်ပွဲတွင် ဆုရရှိသူများကို ဆုတံဆိပ်များ၊ ဂုဏ်ပြုလက်မှတ်များ ချီးမြှင့်သွားမည့်အပြင် ပါဝင်ယှဉ်ပြိုင်သူအားလုံးကို Certificate များ၊ အမှတ်တရလက်ဆောင်များ ပေးအပ်သွားမည်ဖြစ်သည်။
