ရန်ကုန်ရှိ တရုတ်နွယ်ဖွား သက်ကြီးဘိုးဘွားများနှင့် နွမ်းပါးသူများအား တရုတ်နှစ်သစ်ကူးအထိမ်းအမှတ် လှူဒါန်းမှုများပြုလုပ်

၂၀၂၆ ခုနှစ်၊ ဖေဖော်ဝါရီလ ၈ ရက်တွင် ကျရောက်သည့် တရုတ်နှစ်သစ်ကူးပွဲတော်ကို ကြိုဆိုဂုဏ်ပြုသောအားဖြင့် မြန်မာပြည်တရုတ်မျိုးနွယ်ကုသိုလ်ဖြစ်အသင်း၊ မြန်မာနိုင်ငံတရုတ်ကုန်သည်ကြီးများအသင်းချုပ်နှင့် လင်မျိုးနွယ်စုတို့က ရန်ကုန်မြို့ရှိ တရုတ်နွယ်ဖွား သက်ကြီးဘိုးဘွားများနှင့် နွမ်းပါးသူစုစုပေါင်း ၃၇၀ ကျော်အတွက် အန်ပေါင်းငွေ၊ ဆန်၊ စားသောက်ကုန်နှင့် လူသုံးကုန်ပစ္စည်းများကို စုပေါင်းလှူဒါန်းခဲ့ကြသည်။ အဆိုပါလှူဒါန်းမှုများတွင် မြန်မာနိုင်ငံတရုတ်ကုန်သည်ကြီးများအသင်းချုပ်မှ ကျပ်သိန်း ၉၃၀ ကျော်ဖိုးနှင့် လင်မျိုးနွယ်စုမှ တစ်ဦးလျှင် ကျပ် ၄ သိန်းကျော်နှုန်းဖြင့် အသီးသီးပေးအပ်ခဲ့ကြပြီး၊ ရွှေသံလွင်ကုမ္ပဏီလီမိတက်ကလည်း အလှူပွဲစဉ်တိုင်းတွင် အန်ပေါင်းငွေနှင့် မုန့်များပါဝင်အားဖြည့်ခဲ့သည်။ ယခုကဲ့သို့ နှစ်စဉ်လှူဒါန်းခြင်းသည် ရိုးရာဓလေ့အရ ကန်တော့ခြင်းနှင့် ခက်ခဲသူများအတွက် ဖေးမကူညီခြင်းဖြစ်ပြီး သက်ကြီးဘိုးဘွားများ မိမိတို့လိုအပ်ရာတွင် အသုံးပြုနိုင်ရန် ရည်ရွယ်ကာ စေတနာရှင်အလှူရှင်များ စုပေါင်းလုပ်ဆောင်ခဲ့ကြခြင်းဖြစ်ကြောင်း သိရှိရပါသည်။