မွန်ပြည်နယ်တွင် ရာသီဥတုနှင့် သွင်းအားစုစရိတ်များကြောင့် ယခုနှစ် မိုးစပါး အထွက်နှုန်း ကျဆင်းနိုင်

မွန်ပြည်နယ်အတွင်း ယခုနှစ် မိုးရာသီတွင် ရာသီဥတု ပြောင်းလဲမှု (မိုးမမှန်ခြင်းနှင့် ရေကြီးရေလွှမ်းခြင်း)၊ စိုက်ပျိုးရေး လုပ်သား နည်းပါးမှု၊ ပိုးမွှားကျရောက်မှုတို့အပြင် စက်သုံးဆီ၊ ဓာတ်မြေဩဇာ၊ ပိုးသတ်ဆေးနှင့် လုပ်သားခ စသည့် သွင်းအားစုစရိတ်များ အဆမတန် မြင့်တက်နေခြင်းတို့ကြောင့် လာမည့် စပါးပေါ်ချိန်၌ မိုးစပါး အထွက်နှုန်း လျော့ကျလာနိုင်ကြောင်း ပေါင်မြို့နယ် အပါအဝင် ဒေသခံ စပါးစိုက် တောင်သူများ၏ ပြောပြချက်အရ သိရသည်။