မွန်ပြည်နယ်၊မော်လမြိုင်မြို့ရှိ အမှတ် (၂) ဈေး ပြန်လည်မွမ်းမံပေးရန် ဒေသခံများ တောင်းဆို

မွန်ပြည်နယ်၊ မော်လမြိုင်မြို့ရှိ အမှတ် (၂) ဈေး (ဒေသအခေါ် ဈေးသစ်) ၏ အဆောက်အအုံများ ဟောင်းနွမ်းပျက်စီးနေပြီး အိမ်သာနှင့် ပတ်ဝန်းကျင်နေရာများ၌ သန့်ရှင်းရေးစနစ် မကောင်းသဖြင့် အနံ့အသက်ဆိုးများ ထွက်ပေါ်နေ၍ ဈေးသူဈေးသားများနှင့် ဈေးဝယ်ပြည်သူများ အဆင်မပြေ ဖြစ်နေကြသည်။ ထို့ကြောင့် သက်ဆိုင်ရာ တာဝန်ရှိသူများအနေဖြင့် အဆိုပါဈေး၏ အဆောက်အအုံ၊ ရေဆိုးစနစ်၊ အိမ်သာ၊ လမ်းကြားများနှင့် သန့်ရှင်းရေးစနစ်များကို စနစ်တကျ ပြန်လည်မွမ်းမံ တည်ဆောက်ပေးရန် ဒေသခံများက တောင်းဆိုထားကြောင်း သိရသည်။