ထိုင်းနိုင်ငံရောက် မြန်မာလုပ်သားများ True Money Wallet မှတစ်ဆင့် မြန်မာနိုင်ငံရှိ KBZPay ထံ တိုက်ရိုက်ငွေလွှဲနိုင်ပြီ

ထိုင်းနိုင်ငံတွင် အလုပ်လုပ်ကိုင်နေသည့် မြန်မာရွှေ့ပြောင်းလုပ်သားများ မိသားစုများထံ ငွေလွှဲပြောင်းရာတွင် ပိုမိုလွယ်ကူ၊ လုံခြုံ၊ မြန်ဆန်ပြီး ကုန်ကျစရိတ် သက်သာစေရန် True Money နှင့် KBZPay တို့ ပူးပေါင်း၍ နိုင်ငံတကာ ငွေလွှဲဝန်ဆောင်မှုကို စတင်မိတ်ဆက်လိုက်ကြောင်း ဩဂုတ်လ ၁၈ ရက်နေ့တွင် သတင်းထုတ်ပြန်ခဲ့သည်။ အဆိုပါ ဝန်ဆောင်မှုမှတစ်ဆင့် ထိုင်းနိုင်ငံရှိ True Money Wallet အကောင့်မှတစ်ဆင့် မြန်မာနိုင်ငံရှိ KBZPay နှင့် KBZ Bank အကောင့်များသို့ တိုက်ရိုက် ငွေလွှဲပြောင်းနိုင်မည်ဖြစ်ပြီး ငွေကြေးများကို လုံခြုံ၊ အဆင်ပြေစွာဖြင့် အချိန်နှင့်တစ်ပြေးညီ ရောက်ရှိစေမည်ဖြစ်ကြောင်း သိရသည်။