နိုဗိုရိုဆစ်စ်ဆိပ်ကမ်းအနီး ပင်လယ်နက်ထဲ၌ ဂရိရေနံတင်သင်္ဘော ယူကရိန်းဒရုန်းဖြင့် တိုက်ခိုက်ခံရ

ဩဂုတ်လ ၁၆ ရက်နေ့က နိုဗိုရိုဆစ်စ် (Novorossiysk) ဆိပ်ကမ်းတွင် ရေနံများ တင်ဆောင်ပြီးနောက် ပင်လယ်နက်အတွင်း ခုတ်မောင်းနေသည့် "Skiros" အမည်ရှိ ဂရိရေနံတင်သင်္ဘောသည် ယူကရိန်းဒရုန်းဖြင့် တိုက်ခိုက်ခံခဲ့ရကြောင်း ဂရိရုပ်သံလိုင်း Skai က ထုတ်ပြန်ခဲ့သည်။ ဒရုန်းမှာ သင်္ဘော၏ ကုန်းပတ်တံတားကို ဝင်ရောက်တိုက်ခိုက်ခဲ့သဖြင့် မီးလောင်ကျွမ်းမှု ဖြစ်ပွားခဲ့ပြီး သင်္ဘောသားများ ထိခိုက်ဒဏ်ရာရရှိမှု အခြေအနေကိုမူ အတည်မပြုနိုင်သေးကြောင်းနှင့် ယူကရိန်းသည် အဆိုပါ ရုရှားဆိပ်ကမ်းမှ ရေနံတင်ဆောင်လာသည့် အခြားသင်္ဘောများကိုလည်း တိုက်ခိုက်မှုများ ပြုလုပ်ခဲ့ဖူးကြောင်း သိရသည်။