စစ်ကိုင်းတိုင်းဒေသကြီးအတွင်း မိုးသည်းထန်စွာ ရွာသွန်းမှုကြောင့် မိုးသီးနှံ စိုက်ဧကများ ရေကြီးရေလျှံ၍ ပျက်စီးခဲ့ရမှုအပေါ် လိုအပ်ချက်များ ပြန်လည်ဖြည့်ဆည်း ပံ့ပိုးပေးနိုင်ရေး လုပ်ငန်းညှိနှိုင်း အစည်းအဝေးကို ဩဂုတ်လ ၁၇ ရက်က ပြုလုပ်ခဲ့ရာ တိုင်းဒေသကြီး ဝန်ကြီးချုပ် ဦးကိုလေးက ပျက်စီးသွားသည့် သီးနှံများ ပြန်လည်ဖြစ်ထွန်း အောင်မြင်စေရန် တိုင်းအစိုးရအဖွဲ့မှ ပူးပေါင်းဆောင်ရွက်ပေးမည်ဟု ပြောကြားခဲ့သည်။ အဆိုပါ ရေကြီးမှုကြောင့် ခရိုင်/မြို့နယ်များရှိ ကျေးရွာများတွင် စိုက်ပျိုးထားသည့် စပါး၊ ပဲစဉ်းငုံ၊ ပြောင်း၊ မြေပဲ၊ နှမ်း၊ နေကြာ၊ ပဲအမျိုးမျိုးနှင့် ဝါစိုက်ခင်းများ ထိခိုက်ပျက်စီးခဲ့ကြောင်း သိရသည်။
