WFP က မြန်မာနိုင်ငံရှိ ရေဘေးသင့်ဒေသများတွင် အရေးပေါ် စားနပ်ရိက္ခာများ စတင်ကူညီ

ဧရာဝတီတိုင်းဒေသကြီး၊ လေးမျက်နှာမြို့နယ်အတွင်းရှိ ရပ်ကွက် ၅ ခုနှင့် ကျေးရွာ ၉၈ ရွာမှ ရေဘေးသင့် လူဦးရေ ၃၂,၀၀၀ ကျော်အနက် လူ ၁၀,၀၀၀ အတွက် လုံလောက်သည့် အာဟာရဖြည့် အသင့်စားဘီစကွတ် မက်ထရစ်တန် ၂၀ ကို စတင်ဖြန့်ဝေပေးလျက်ရှိကြောင်း WFP က ထုတ်ပြန်ခဲ့သည်။ လက်ရှိတွင် ပဋိပက္ခ၊ နေရပ်စွန့်ခွာရမှုနှင့် အစားအစာဈေးနှုန်း မြင့်တက်မှုများကြောင့် မြန်မာနိုင်ငံ၌ လူဦးရေ ၁၂ ဒသမ ၄ သန်းခန့် ဆာလောင်မွတ်သိပ်မှုနှင့် ရင်ဆိုင်နေရချိန်တွင် WFP က ရေဘေးသင့် ဒေသအသီးသီးသို့ အရေးပေါ် ရိက္ခာများ ဆက်လက် ကူညီပေးနေခြင်းဖြစ်ကြောင်း သိရသည်။