AFC Women’s Champions League 2026/27 ခြေစစ်ပွဲများ ယနေ့ ယှဉ်ပြိုင်မည်

AFC Women’s Champions League 2026/27 ပြိုင်ပွဲ၏ ခြေစစ်ပွဲအဆင့် (Preliminary Stage) ပွဲစဉ်များကို ဩဂုတ်လ ၁၇ ရက်နေ့တွင် ရန်ကုန်မြို့ သုဝဏ္ဏအားကစားကွင်း၌ ကျင်းပသွားမည် ဖြစ်သည်။ ပထမပွဲစဉ်အဖြစ် မြန်မာနိုင်ငံကိုယ်စားပြု ဧရာဝတီ FC အမျိုးသမီးအသင်းနှင့် FC Jurong တို့ ညနေ ၄ နာရီတွင် ယှဉ်ပြိုင်ကစားမည်ဖြစ်ပြီး အဆိုပါပွဲစဉ်ကို MRTV-4 နှင့် Pyone Play Sports YouTube Channel တို့မှ တိုက်ရိုက်ထုတ်လွှင့်ပေးသွားမည်ဖြစ်သည်။ ဒုတိယပွဲစဉ်အဖြစ် New Taipei City Hang Yuan FC နှင့် No Limits FC တို့ ည ၇ နာရီတွင် ဆက်လက်ယှဉ်ပြိုင်ကြမည်ဖြစ်ကြောင်း သိရသည်။